Жылу өндіру проблемалары туралы ақпарат алынды

”Aqtobe su-energy group” АҚ телеграм-чатына Ағ. Жұбановтар көшесі, 274 мекенжайы бойынша жылумен қамтамасыз етілуден мәселе туындағаны туралы ақпарат келіп түсті.

Біздің кәсіпорынның мамандары өтінішке жедел ден қойып, баяндалған мәліметтерді тексеру жұмысын жүргізді.

Үйге жылу толық берілген. Алайда, жертөле бөлмесінде жылыту жүйесіндегі бұзушылықтар анықталды - әр түрлі диаметрлі құбырлар қолданылады, бұл жылудың толық көлеміне теріс әсер етеді.

«Жақсылық» ПИК төрағасына бұзушылықтарды жою бойынша ұсыныстар берілді.