Жылу өндіру проблемалары туралы ақпарат алынды

«Aqtobe su-energy group» АҚ апаттық-диспетчерлік қызметі бөлімі мамандарына М. Оспанов көшесі, 56 мекенжайы бойынша жылумен қамтамасыз етілуден мәселе туындағаны туралы ақпарат келіп түсті.

Мекеме мамандары жедел әрекет етіп, көрсетілген мекенжайға тексеруге барды. Тексеру барысында М.Оспанов көшесі, 54, 58 және 58В мекенжайларындағы үйлерде жылытуға арналған циркуляциялық насостар орнатылғаны анықталды, бұл жылу жүйесінің жұмысына кері әсерін тигізген.

Мәселе анықталғаннан кейін, инспекторлар насостарды өшіріп, пломба салу шараларын қабылдады. Жергілікті басқару органдарының өкілдерінің қатысуымен тексеру актісі жасалды. Насостар өшірілгеннен кейін «Aqtobe su-energy group» АҚ инспекторлары М.Оспанов көшесі, 54, 56, 58 және 58В мекенжайларындағы үйлерде жылу айналымын ретке келтірді.

Қазіргі уақытта барлық үйлерде жылу тұрақты түрде берілуде.