Жылумен жабдықтау проблемалары туралы ақпарат

 @gazeta_diapazon @mamochki_aktobe_official және @pust_govoryat_aktobesvami_ @aqtobe_zhaloby парақшаларында М. Оспанов көшесі, 54 мекенжайындағы үйде жылумен қамту мәселелері туралы ақпарат жарияланды. Тексеру нәтижесінде үйге жылу толық көлемде берілетіні, ал кейбір пәтерлердегі жеткіліксіз жылыту жүйедегі ақаулармен байланысты екені анықталды.

Жертөледе жүргізілген тексеру барысында: диаметрі 89 мм екі басқару торабы, бірінші торапта элеватордың жоқтығы, көлденең құбырлардың диаметрі 57 және 40 мм-ге дейін тарылғаны анықталды. Сонымен қатар, ыстық су тікелей қосылған, балшық жинағыштары жоқ, ал жалпыүйлік көлденең құбырда “Aqtobe su-energy group” АҚ келісілмеген қосылу табылды.

Жылу жүйесінің тұрақты әрі қауіпсіз жұмысын қамтамасыз ету үшін тұрғындарға анықталған ақауларды жою және инженерлік желілерге қосылу ережелерін сақтау ұсынылады.