Бір белдеу – бір жол

«Aqtobe su-energy group» АҚ қызметкерлері 15 мен 17 қаңтар аралығында Пекиндегі «Бір белдеу – бір жол» конференциясына қатысты. Бұл іс-шара кәсіпкерлерді, инвесторларды және сала көшбасшыларын біріктіріп, тәжірибе алмасу, әріптестік орнату және жаңа жобаларды ілгерілету үшін маңызды платформаға айналды.

Конференция аясында сорғылар мен басқа да жабдықтарды өндіруге маманданған «Sanley» компаниясының өкілдерімен кездесу өтті. «Sanley» компаниясымен өткен келіссөздер жаңа мүмкіндіктер ашып, технологиялық үдерістерге озық шешімдерді енгізуге жол ашты.

Конференция ұйымдастырушысы кәсіпорындарға халықаралық нарықтарға шығуға және ынтымақтастықты дамытуға көмектесетін «Huahe International» компаниясы болды.

Бұл конференцияға қатысу «Aqtobe su-energy group» АҚ үшін халықаралық ынтымақтастықты нығайту, жаңа технологияларды тарту және тұрақты өсу мен инновацияларды енгізуге бағытталған стратегиялық әріптестіктерді дамыту жолындағы маңызды қадам болды.