Инженерлік желілерді жаңғырту

«Aqtobe su-energy group» АҚ қаланың инженерлік желілерін жақсарту және тозығын төмендету мақсатында бірқатар маңызды жобаларды жүзеге асыруда. Атап айтқанда, қазіргі уақытта Бейбітшілік даңғылы бойымен – Маресьев көшесінен Рысқұлов көшесіне дейінгі аралықта самотекті (өздігінен ағатын) кәріз коллекторы қайта жаңартылып жатыр.

Аталған учаскеде қалалық кәріз жүйелерін заманауи технологияларды қолдана отырып қалпына келтіру жұмыстары (санация әдісімен) жүргізілуде. Бұл әдіс жер қазусыз, минималды қолайсыздықпен желіні ішінен жаңартуға мүмкіндік береді және экологиялық әрі экономикалық жағынан тиімді болып саналады.