Құрметті ақтөбеліктер!

Сіздерді қасиетті Ораза айт мерекесімен шын жүректен құттықтаймыз! Бұл мейрам – рухани жаңғырудың, мейірімділік пен өзара сыйластықтың символы. Рамазан айы жүректерімізді үміт пен ізгілікке толтырып, жан дүниемізді тазартатын ерекше кезең. Ораза айт – отбасы мен жақындарға қамқорлық көрсетіп, бірлікті нығайтуға, игі істер жасауға шақыратын ұлы мереке.

Ізгі ниеттеріңіз бен жасаған жақсылықтарыңыз мол сауапқа кенелтіп, шаңырақтарыңызға құт-береке, тыныштық пен бақыт әкелсін. Әр күніңіз мейірімге, қуанышқа және ізгі істерге толы болсын!

Құрметпен, “Aqtobe su-energy group” АҚ бас директоры Қуандық ҚАСЫМОВ