«Мектепке жол» – болашаққа бағытталған игі қадам

Жаңа оқу жылы – әрбір отбасы үшін ерекше кезең.

Балалардың мектеп табалдырығын аттап, білім әлеміне қадам басуы – болашаққа жасалған үлкен қадам. Осыған орай «Aqtobe su-energy group» АҚ әкімшілігі мен кәсіподақ ұйымы бірлесіп, дәстүрлі «Мектепке жол» республикалық акциясына белсене қатысты.

Акция аясында мекеме қызметкерлерінің балаларына қолдау көрсетіліп, 168 оқушыға, соның ішінде алғаш рет 0–1 сыныпқа баратын бүлдіршіндерге қолдау көрсетілді. Бұл тек материалдық көмек емес – жас ұрпақтың болашағына салынған сенімнің, олардың жарқын армандарына қолдау білдірудің бір көрінісі.

Біз үшін балалар – ең қымбат қазына. Олар – ертеңгі елдің тірегі, ата-анасының үміті, қоғамның болашағы. Сол себепті олардың жаңа оқу жылына қуанышпен, шабытпен қадам басуы – бәріміз үшін маңызды.

Барша оқушыларға білім жолында табыс, жарқын жетістіктер, ал ата-аналарға ұрпағының қуанышына куә болар күндер көп болуын тілейміз!