ЭНЕРГОЛИГА 2025 - ФИНАЛДЫҚ ТАРТЫС!

Бүгін ЭНЕРГОЛИГАНЫҢ шешуші ойындары өтті. Алаңға екі мықты команда - «KEGOC» пен «Aqtobe Su-Energy Group» шықты. Матч нағыз тартысқа толы болды: әр минут, әр шабуыл, әр пас - эмоцияның шыңы.

Екі команда да жеңіске жанын салды, қорғаныс та, шабуыл да өте жоғары деңгейде болды. Көрермендер соңына дейін демін ішіне тартып, кімнің басым түсетінін күтті.

Ойынның нәтижесі — 4:1 “Aqtobe Su-Energy Group” сенімді түрде жеңіске жетті.

Бұл матч тек футбол емес, ерен еңбек пен командалық рухтың көрінісі болды.

ЭНЕРГОЛИГА 2025 футбол ойындары осылайша жарқын сәттермен, әсерлі голдармен және нағыз спорттық жанкештілікпен аяқталды.