Кіріс құбырының зақымдануын жою бойынша жұмыс

Бүгін «Aqtobe su-energy group» АҚ мамандары Ағ.Жұбановтар көшесі, 286А мекенжайының үйге кіріс құбырында ақауды жою бойынша жұмыстар жүргізді.

Жұмыстар үйлесімді түрде және жылдам орындалды – кіріс құбырын ауыстыруға бар болғаны бір сағат уақыт кетті. Ең бастысы, бұл уақытта жылу мен ыстық су беру үзілген жоқ.

Бұл жағдай мамандарымыздың кәсібилігін және қала тұрғындарын үздіксіз жылумен қамтамасыз етуге деген ұмтылысын тағы бір мәрте дәлелдеді. Біз өз командамыздың жауапкершілігі мен еңбегін жоғары бағалаймыз.

«Aqtobe su-energy group» АҚ қала инженерлік жүйелерінің тұрақты жұмысын қамтамасыз ету және туындаған мәселелерге жедел жауап беру бағытында қызметін жалғастыруда. Егер сізде сұрақтар немесе өтініштер болса, тәулік бойы жұмыс істейтін диспетчерлік қызметке хабарласа аласыз: 740-444.