Ашық және зақымдалған ұңғымаларды анықтау бойынша рейдтік шаралар

«Aqtobe su-energy group» АҚ мамандары ашық және бұзылған құдықтарды анықтау бойынша рейдтік іс-шараларды жүргізуді жалғастыруда. Қазіргі уақытта Жанатұрмыс тұрғын ауданында Ақтөбе қаласы әкімдігінің ТҮКШ бөлімінің тапсырысы бойынша «Ақтөбе Адал Құрылыс» мердігер ұйымы асфальт төсеу жұмыстарын атқаруда.

Өкінішке орай, жөндеу жұмыстары барысында мердігер ұйымдар жиі құдықтарды ашық немесе зақымдалған күйінде қалдыруда, бұл тұрғындардың қауіпсіздігіне қауіп төндіреді. Біз азаматтардан құдықтарды қалпына келтіру және олардың қауіпсіздігін қамтамасыз ету туралы өтініштерді жиі аламыз.

Мекеме атынан «Ақтөбе Адал Құрылыс» мердігер ұйымына осы олқылықтарды жою туралы бірнеше рет ресми хаттар жолдадық. Біз мердігер ұйымдарды жөндеу жұмыстарынан кейін құдықтарды қалпына келтіру талаптарын қатаң сақтауға шақырамыз. Тұрғындардың қауіпсіздігі бәріміз үшін басты міндет болуы тиіс.

Қала тұрғындарына белсенді азаматтық ұстанымдары үшін алғысымызды білдіреміз. Қандай да бір құқық бұзушылықтарды біздің ұйымға хабарлауға болатынын еске саламыз. Сіздердің өтініштеріңіз қалалық инфрақұрылымдағы мәселелерді уақтылы анықтап, оларды шешуге көмектеседі.