Сатпаев көшесі: су құбыры желілеріне күрделі жөндеу жүргізілуде
Инженерлік желілердің тозуын азайту және сумен жабдықтау сенімділігін арттыру мақсатында «Aqtobe su-energy group» АҚ мамандары жоспарлы күрделі жөндеу жұмыстарын өз күштерімен жүзеге асыруда.
Атап айтқанда, Сатпаев көшесі бойымен Сәңкібай батыр даңғылынан бастап Ағ.Жұбановтар көшесіне дейінгі аралықта диаметрі 160 мм болатын су құбыры жаңартылуда. Жалпы ұзындығы – 300 метр. Жұмыстар заманауи горизонталды бағытты бұрғылау (ГНБ) әдісімен жүргізіліп жатыр. Бұл – жер қазу жұмыстарын барынша азайтып, абаттандыруды сақтауға мүмкіндік береді.
Жөндеу кезінде сумен жабдықтауға шектеу қойылмайды. Жаңа желіге ауыстыру жұмыстары желі толық ауыстырылғаннан кейін жүзеге асырылады. Аталған шаралар тұрғындарға көрсетілетін коммуналдық қызметтердің сапасы мен сенімділігін арттыруға бағытталған.