Құрметті ақтөбеліктер!

«Aqtobe su-energy group» АҚ ағымдағы жылға жоспарланған сумен жабдықтау, су бұру және жылумен жабдықтау желілерін ауыстырумен қоса инвестициялық бағдарламаны жүзеге асыруды жалғастыруда. Бұл жұмыстар инженерлік инфрақұрылымды жақсартуға және тозған құбырлар санын азайтуға бағытталған, бұл қала тұрғындарының өмір сүру сапасын және қаланың жалпы инфрақұрылымының дамуын арттырады.

Қазіргі уақытта жұмыстар «ВЛАД» ЖШС мердігерлік компаниясының қатысуымен Әуеқалашығы ауданында белсенді жүргізілуде. Диаметрі 160 мм су құбырын жалпы ұзындығы 1,8 км-ге ауыстыратын боламыз.

Жалпы, сумен жабдықтау бойынша 13 жоба, жалпы ұзындығы 18,6 км және су бұру бойынша КСБ-7 мен желілерді жөндеуді қоса алғанда, Станция-Деповская көшелері бойынша жалпы ұзындығы 3,3 км 2 жоба, ал жылумен жабдықтау бойынша 8 жоба іске асыру жоспарланған. Кепілдік міндеттемелеріне сәйкес, барлық абаттандыру элементтері жұмыс аяқталғаннан кейін толық қалпына келтіріледі.

Сондай-ақ, 13-18 мамыр аралығында Ақтөбе қаласы мен Есет батыр шағын ауданында ыстық сумен жабдықтау шектелетінін еске саламыз. Бұл күндері «Aqtobe su-energy group» АҚ «Ақтөбе ЖЭО» АҚ-мен бірлесіп магистральдық және ішкі кварталдық жылу желілеріне жыл сайынғы көктемгі гидравликалық сынақтар өткізеді. Ыстық сумен жабдықтау гидравликалық сынақ жұмыстары аяқталған аудандарда кезең-кезеңмен бастап берілетін болады.

Келтірілген уақытша қолайсыздықтар үшін кешірім сұрай отырып түсіністік танытқандарыңызға алғыс білдіреміз.